«Տներից լացի ձայներ եմ լսում...Կարկուտը հերթական անգամ վարկերի տակ թողեց Արմավիրի մարզի գյուղացիներին...Գյուղացի, դե արի ու վարկ փակի, ապրի, տնտեսություն զարգացրու ...»,- ֆեյսբուքյան իր էջում գրել է փաստաբան Գրիշա Բալասանյանը:
Տեղեկացնենք, որ քիչ առաջ սաստիկ կարկուտ է տեղացել Արմավիրի մարզում, որի հետևանքով վնասվել են գյուղացիների ցանքատարծություններն ու պտղատու այգիները:
Ըստ ֆեյսբուքյան օգտատերերի գրառումների, կարկուտ է տեղացել Լոռիում, Վանաձորում, անմասն չի մնացել նաև Երևանը:
Երևանում տեղացած կարկուտին հաջորդել է ջրհեղեղ, որը լուսանկարներով ներկայացրել է օգտատեր
Սևակ Գրիգորյանը: Ֆեյբուքյան էջում տեղադրված լուսանկարները, կատարվել են Լենինգրադյան փողոցում:
Թեպետ այս պահին պաշտոնական տեղեկատվություն չկա, բայց երևում է, որ այս տարի էլ գյուղացին բերքի մեծ կորուստներ կունենա: