Միջազգային

Ռուսաստանի տարբեր քաղաքներում այսօր զանգվածային ցույցեր են անցկացվում ընդդեմ կաշառակերության, որոնց կազմակերպիչը ընդդիմադիր գործիչ Ալեքսեյ Նավալնիի գլխավորած Կաշառակերության դեմ պայքարի հիմնադրամն է:
     Լրատվականների հաղորդմամբ` ցույցերն արդեն սկսվել են Վլադիվոստոկում, Բլագովեշչենսկում և Կազանում: Վլադիվոստոկում և Բլագովեշչենսկում արդեն ձերբակալություններ են տեղի ունեցել:
     Վլադիվոստոկում ձերբակալվել է առնվազն 2 մարդ, այդ թվում Նավալնիի շտաբի ղեկավար Յուրի Կուչինը: Նա ոստիկանական բաժանմունք է բերվել մինչև ցույցի վայր հասնելը:
     Ձերբակալվել է նաև Մաքսիմ Շինկարենկոն, ով պատրաստվել է միանձնյա պիկետ իրականացնել: Վլադիվոստոկում ևս մեկ ցուցարարի վրա կանաչ ներկ են լցրել: Այստեղ արտոնված հանրահավաքաին շուրջ 300 մարդ է մասնակցում:
     Նշվում է, որ Բլագովեշչենսկ քաղաքում ձերբակալվել է 1 մարդ, ով պարզած է եղել «Ռուսաստանն առանց կաշառակերության» գրությամբ պաստառ: Հաղորդվում է նաև, որ Կազանում ավելի քան 400 մարդ է մասնակցում նախօրոք արտոնագրված ցույցին: