Անհայտ անձինք կրակ են բացել Իրանի խորհրդարանում, ինչի հետևանքով առնվազն 1 մարդ զոհվել է, 3 մարդ ստացել է վնասվածքներ: Այդ մասին հայտնում է Tasnim գործակալությունը: Զոհվածն ու վիրավորները խորհրդարանի պահակազորի անդամներ են։
Հարձակվողները երեքն են, կրակոցները շարունակվում են: Հաղորդվում է, որ հարձակվողները պատանդ են վերցրել մի քանի մարդու:
Հարձակվողների ինքնությունը և նպատակը դեռ հայտնի չեն:
Գործակալությունը հայտնում է, որ անվտանգության ուժերը դեռևս չեն հաստատել Իրանի խորհրդարանում պատանդներ վերցնելու մասին հաղորդումները:
Տեղեկություններ կան մեկ այլ վայրում՝ Թեհրանի հարավում գտնվող Իմամ Հոմեյնիի դամբարանում կրակոցների և վիրավորների մասին: