Բելառուսի մայրաքաղաք Մինսկում շարունակվում է սամբոյի Եվրոպայի առաջնությունը, որին Հայաստանը ներկայացնում է 18 մարզիկ: Մրցումային երկրորդ օրը մեր մարզիկները 3 բրոնզե մեդալ են նվաճել։ Մարզական սամբոյի պայքարում մեդալներ նվաճեցին 57 կգ քաշային Մաքսիմ Մանուկյանը և 74 կգ քաշային Արսեն Ղազարյանը։ Մարտական սամբոյի պայքարում պատվո պատվանդանի երրորդ աստիճանին կանգնեց 62 կգ քաշային Կոլյա Կարապետյանը։