Իրադարձություններ

     «Հակամարտության միջնորդական պատմության մեջ առաջին անգամ ԵԱՀԿ ՄԽ-ն ստիպված մատնանշում է, որ շփման գծում իրավիճակի սրման ու հրադադարի ռեժիմի խախտման նախաձեռնողն Ադրբեջանն է։ Սա ստիպված քայլ է՝ հաշվի առնելով, որ Արդբեջանը շարունակում է հրաժարվել Վիեննայի ու Սանկտ Պետերբուրգի համաձայնագրերից։ Կարծում եմ՝ ՄԽ-ն Ադրբեջանի կողմից քաղաքական նման վարվեցողության շարունակման պարագայում ճիշտ կլինի մտածի հրադադարի խախտման դեպքերի պարագայում այդ երկրի կողմից կրած մարդկային կորուստների վերաբերյալ տվյալների հրապարակման հարցում, քանի որ Ադրբեջանն իր հասարակությունից թաքցնում է կորուստները՝ մոլորության մեջ պահելով նրանց»,- Ազգային ժողովի նիստի մեկնարկին հայտարարեց հանրապետական Սամվել Ֆարմանյանն՝ անդրադառնալով ԵԱՀԿ ՄԽ համանախագահության երեկվա հայտարարությանը, որտեղ նշված է․ «Ըստ տարբեր հավաստի աղբյուրներից հավաքած տեղեկությունների, մայիսի 15-ին Ադրբեջանի զինված ուժերը հրթիռային կրակ են բացել շփման գծի երկայնքով՝ հարված հասցնելով ռազմական տեխնիկային։
     Մայիսի 16-ի երեկոյան և մայիսի 17-ին հայկական Զինված ուժերը պատասխանել են տարբեր տրամաչափի ականանետային կրակահերթերով։ Երկու կողմերի գործողությունները հրադադարի ռեժիմի զգալի խախտում են և տագնապի առիթ։
     Իրարամերժ տեղեկություններ կան այս հարվածների նշանակետերի, ինչպես նաև մարդկային կորուստների և վնասների մասին։ ԵԱՀԿ Մինսկի համանախագների խումբը և ԵԱՀԿ գործող նախագահի անձնական ներկայացուցիչը շարունակում են հավաքագրել լրացուցիչ տվյալներ ու վերլուծություններ՝ կատարվածի վերաբերյալ ամբողջական պատկերացում կազմելու համար»։