Նախագահ Սերժ Սարգսյանի հրամանագրով Արփինե Հովհաննիսյանն ազատվել է Հայաստանի Հանրապետության արդարադատության նախարարի պաշտոնից: «Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 4-րդ կետով` որոշում եմ՝ Արփինե Հովհաննիսյանին ազատել Հայաստանի Հանրապետության արդարադատության նախարարի պաշտոնից»,- ասված է հրամանագրում։
Նախագահի մեկ այլ հրամանագրով Ֆելիքս Ցոլակյանն ազատվել է ՀՀ նախագահի վերահսկողական ծառայության ղեկավարի պաշտոնից:
Սերժ Սարգսյանի հաջորդ հրամանով էլ նախկին ոստիկանապետ Ալիկ Սարգսյանն է ազատվել ՀՀ նախագահի խորհրդականի պաշտոնից։