Իրադարձություններ

     Եթե իսկապես արել եք այն ամենն, ինչ խոստացել եք, ինչո՞ւ չեք գնում բանավիճելու մրցակից թեկնածուների հետ՝ դիմելով Երևանի քաղաքապետի ՀՀԿ-ական թեկնածու, գործող քաղաքապետ Տարոն Մարգարյանին, հարցրին լրագրողները. «Բանավեճի մասին արդեն ասել եմ: Մեր կատարած աշխատանքն ու ծրագրերը մենք ժողովրդին ենք ներկայացնում, բանավեճով չենք ներկայացնում»,- ասաց Մարգարյանը:
     Հիշեցնենք՝ օրեր առաջ այս հարցին էր անդրադարձել նաև «Ելք» դաշինքի քաղաքապետի թեկնածու Նիկոլ Փաշինյանը՝ մասնավորապես նշելով. «Տարոն Մարգարյանին ինձ հետ բանավեճի ուղարկելը նշանակում է նրան ուղարկել քաղաքական զոհաբերության, մատաղի՝ անլեզու գառան նման»: