Ինչպես արդեն հայտնել էինք, մի քանի տոնավաճառների աշխատողներ այս պահին բողոքի ցույց են անցկացնում կառավարության շենքի մոտ:
Առևտրականները նշում են, որ հարկային մարմինները ստուգումներ են իրականացնում իրենց տոնավաճառներում՝ պահանջելով փաստաթղթեր ներկայացնել, հաճախորդներին հսկիչ դրամարկղային (ՀԴՄ) կտրոններ տրամադրել: «Պահանջում են, որ ամեն ապրանք փաստաթղթավորենք, հաշվապահներ վարձակալենք, բայց չենք կարա անել, քանի որ գումար չունենք: Շուկայից դուրս եկող հաճախորդին ասում են` ուր են քո փաստաթղթերը: Ոչ մի ձև չեն աջակցում, միայն հարկերն են բարձրացնում»,- ասում են նրանք:
Հիշեցնենք` այսօր հայտարարություն էր տարածել նաև ՊԵԿ-ը: