Քիչ առաջ Խորվաթիայի Սպլիտ քաղաքում ընթացող ծանրամարտի Եվրոպայի առաջնության շրջանակներում ավարտվեց 105 կգ քաշային ծանրորդների պայքարը։ Հայաստանն այս քաշային կարգում ներկայացնող Սիմոն Մարտիրոսյանը հռչակվեց Եվրոպայի չեմպիոն։ Սիմոնը, պոկելով 184 կգ և հրելով 230 կգ, երկամարտի 414 կգ արդյունքով կանգնեց պատվո պատվանդանի առաջին աստիճանին։
Այս քաշային կարգում մեր մյուս ներկայացուցիչը՝ Սամվել Գասպարյանը, պոկելով 165 կգ և հրելով 210 կգ, երկամարտի 375 կգ արդյունքով զբաղեցրեց 6-րդ հորիզոնականը։
Նշենք, որ պոկում վարժությունում փոքր արծաթե մեդալ նվաճեց Ավստրիայի դրոշի ներքո հանդես եկող Սարգիս Մարտիրոսյանը։ Երկամարտի արդյունքով նա 4-րդն է։ Հրում վարժությունում փոքր արծաթե մեդալ նվաճեց Դավիթ Բեջանյանը, սակայն պոկում վարժությունում նա 0 ստացավ՝ դուրս մնալով երկամարտի պայքարից։