Միացյալ Նահանգները, Մեծ Բրիտանիան և Ֆրանսիան ՄԱԿ-ի Անվտանգության խորհրդի արտահերթ նիստի օրակարգում են ներառել Սիրիայի Իդլիբ նահանգում քիմիական զենքի կիրառումը դատապարտող բանաձև:
ՄԱԿ-ի ԱԽ 3 մշտական անդամները Բաշար Ասադի ռեժիմին մեղադրում են գազային հարձակման համար, որի հետևանքով առնվազն 58 մարդ է սպանվել:
Բանաձևում նշվում է, որ Սիրիայի կառավարությունը պետք է ապահովի միջազգային հետաքննության անցկացմանը, տեսուչներին ներկայացնի ռազմական թռիչքների ծրագրերն ու բորտային մատյանները, հրապարակի ուղղաթիռային համակազմերի հրամանատարների անունները, նաև ապահովի միջազգային տեսուչների մուտքն այն ավիաբազաներ, որտեղից քիմիական հարձակումներ են իրականացվել:
BBC-ի հաղորդմամբ, սակայն, սիրիական կառավարությունը հերքում է իր հասցեին արված մեղադրանքները:
Նշենք, որ նախկինում ՄԱԿ-ի ԱԽ մեկ այլ մշտական անդամ Ռուսաստանը, նաև Չինաստանը, բազմիցս վետո են դրել սիրիական ռեժիմի գործողությունները դատապարտող բանաձևերի վրա: