«Հաց բերող» Արթուր Սարգսյանի վիրահատությունը բարեհաջող է անցել, այս մասին MAMUL.am-ի թղթակցի հետ զրույցում ասաց Արթուր Սարգսյանի մտերիմ ընկերոջ կինը` Էվելինան: «Աղիքային ճողվածք ունի, երեկ սուր ցավեր է ունեցել, տարել են հիվանդանոց և անհապաղ վիրահատել, նրա աղիքը նաև ոլորվել էր: Վիճակը ծանր է, բայց կյանքին վտանգ չի սպառնում»,- ասաց տիկին Էվելինան` հավելելով, որ Արթուր Սարգսյանը գտնվում է վերակենդանացման բաժանմունքում:
Տեղեկացնենք, որ վիրահատությունը տեղի է ունեցել երեկ երեկոյան:
Նշենք, որ «Հաց բերողը» ժամանակ առ ժամանակ արյունահոսություններ էր ունենում: