«Գյուղացիները համոզված ասում էին, որ կրակողը Լևոն Երանոսյանի եղբայրն է եղել». Ս. Մարգարյան
13:05, երկուշաբթի, 13 մարտի, 2017 թ.
 Նշենք, որ միջադեպից հետո դաշինքի հինգ համակիրներ բերման են ենթարկվել, ապա ազատ արձակվել. «Երբ ես և Էլինար Վարդանյանն այցելեցինք ոստիկանություն, այնտեղ մի հռետորական հարց տվեցինք` ո՞ւր է կրակողը: Մյուս կողմից որևէ մեկին բերման չէին ենթարկել, կրակողին նույնպես»: Հիշեցնենք` Լեռնիկ Երանոսյանը ՊՊԾ գնդի գրավման օրերին Խորենացի փողոցում ցուցարարների ուղղությամբ լուսաձայնային նռնակ էր նետել: Ավելի ուշ ոստիկանությունը ևս արձագանքել է երեկվա միջադեպին: ՀՀ ոստիկանության լրատվության և հասարակայնության հետ կապերի վարչության պետ Աշոտ Ահարոնյանը ֆեյսբուքյան իր էջում գրել է. «Արմավիրի մարզի Ջրառատ գյուղում տեղի ունեցած միջադեպով ոստիկանության Վաղարշապատի բաժնի ծառայողների կողմից ձեռնարկվել են անհրաժեշտ միջոցառումներ: Կան ոստիկանության բաժին բերման ենթարկվածներ: Գործին կտրվի համապատասխան ընթացք: Լրատվամիջոցներին, ինչպես և քաղաքական ուժերին մեկ անգամ ևս կոչ ենք անում չճշտված ու կանխակալ տեղեկություններ տարածելով՝ թյուրիմացության մեջ չգցել հասարակությանը: Գործի ընթացքի վերաբերյալ պարբերաբար տեղեկատվություն կտրամադրվի»: |
6451 | 1
