Ռուս հայտնի լրագրող, հրապարակախոս և գրող Վլադիմիր Սոլովյովն օրեր առաջ Երևանում
քննադատություն էր հնչեցրել ՌԴ-ում ՀՀ դեսպան Օլեգ Եսայանի հասցեին` նշելով, որ նա մատնված է անգործության՝ ի տարբերություն Ադրբեջանի իր գործընկերոջ:
Եվ ահա, ըստ Вестник Кавказа-ի` ՀՀ նախագահի աշխատակազմի ու ՌԴ-ում ՀՀ դեսպանատան աղբյուրների, Օլեգ Եսայանին այսօր կփոխարինի Վարդան Տողանյանը: Հատկանշական է, որ փոփոխությունը տեղի է ունենում Սոլովյովի քննադատությունից հետո:
Նշվում է, որ Տողանյանի անունը հիշատակվում է պանամական օֆշորային փաստաթղթերում և որ նա ադամանդագործությամբ զբաղվող «Շողակն» ընկերության բաժնետեր է դարձել 2014-ին:
Տողանյանը քաղաքագիտության դոկտոր է, Մոսկվայի «Եվրասիական մեդիա գրուպի» նախագահը: